110403
Madilim na paligid
Di maabot ng paningin
Malalim na gabi
Di masukat ang hangganan
Nakakabingi… Nakakarindi…
Ang musika ng katahimikang
Sumasaklaw sa bawat espasyong
Bumubuo ng iyong katauhan
Malambing na tinig sa karimlan
Dulot ay pagsusumamo sa kawalan
Indayog ng musika ng katahimikang
Sumasabay sa hinagpis ng pusong sugatan
Itim ang kulay ng di makitang tanglaw
Naupos na sulo’y di na muling sisindi pa
Wari’y bahagharing pinagisa ang kulay
Wari’y mapagbirong tadhana, mapanudyong naglalaro
Pakinggan mo ang musika ng katahimikan
Sabayan mo ang kanyang tugtugin
Makiayon ka sa kanyang ritmo at liriko
Baka sakaling iyo ng maintindihan….
Katahimikang sumusukob sa aking kapaligiran…
